თბილისი, 7 აპრილი – Sputnk. დიდთოვლობის და ზვავსაშიშროების გამო შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის უშგული-ლასდილის მონაკვეთზე ყველა სახის ავტოტრანსპორტის მოძრაობა აკრძალულია, იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.
ამასთან, საავტომობილო გზის მულახი-უშგულის მონაკვეთზე აკრძალულია მხოლოდ მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
უწყების ცნობით, გზის ამ მონაკვეთზე მოძრაობის აკრძალვა თოვლისა და ლიპყინულის გამო გახდა საჭირო.
მესტიის მიმართულებით საავტომობილო გზაზე ჩატარებული გაწმენდითი სამუშაოების შედეგად, ავტოტრანსპორტის მოძრაობა თავისუფალია. ასევე თავისუფალია ტრანსპორტის მოძრაობა საავტომობილო გზის ზუგდიდი-მულახის მონაკვეთზე.