თბილისი, 19 მარტი — Sputnik. საქართველოს საკონსულოები და საელჩოები მზად არიან დაეხმარონ ევროპაში მყოფ საკუთარ მოქალაქეებს, რომლებმაც შენგენის ზონაში ყოფნის ვადები დაარღვიეს, განაცხადა საქართველოს საგარეო საქმეთა მინისტრმა დავით ზალკალიანმა ბრიფინგზე.
ესპანეთში კორონავირუსით საქართველოს მოქალაქე გარდაიცვალა>>
საქართველოს მოქალაქეებს შენგენის ზონის ქვეყნებში უვიზო მოკლევადიანი ვიზიტების (180-დან 90 დღე) უფლება აქვთ. ევროპაში კორონავირუსის აფეთქების შემდეგ იქ მყოფმა ბევრმა საქართველოს მოქალაქემ ვერ მოახერხა ქვეყნის დროულად დატოვება. ისინი
დეპორტაციის საფრთხის და ევროზონაში შესვლის დიდი ხნის ვადით აკრძალვის საფრთხის წინაშე აღმოჩნდენ.
„ევროკომისიამ გასცა რეკომენდაციები ინდივიდუალური წევრი ქვეყნების მიმართ, რომ მიიღონ მათ შესაბამისი ზომები იმისთვის, რომ ამ ადამიანებს, რომლებსაც ამ ფორსმაჟორულ სიტუაციაში შეექმნათ პრობლემა, გარკვეულწილად გადაუვადდეთ ევროკავშირის ტერიტორიაზე ლეგალურად ყოფნის ვადები და ამ მიმართულებითაც ჩვენი საკონსულოები და საელჩოები მზად არიან რომ დაეხმარონ მოქალქეებს ამ კომუნიკაციაში ადგილსამყოფელი ქვეყნის მიხედვით“, - განაცხადა დავით ზალკანიანმა.
მისი თქმით, ყველა შემთხვევის განხილვა ინდივიდუალურად მოხდება.