თბილისი, 9 თებერვალი — Sputnik. მმართველი პარტია „ახალი აზერბაიჯანი“ ქვეყნის ახალ პარლამენტში მიიღებს მანდატების უმრავლესობას. ამას მოწმობს ეგზიტპოლის მონაცემები, რომლებიც ჩაატარა სოციალოგიური კვლევების ამერიკულმა ცენტრმა Arthur J. Finkelstein & Associates.
რიგგარეშე საპარლამენტო არჩევნები აზერბაიჯანში კვირას გაიმართა.
„Exit poll 1053 საარჩევნო პუნქტში იმართებოდა. ჩატარდა ინტერვიუ. ჩვენი გათვლებით, 69 ადგილს მმართველი პარტია მიიღებს“, - ნათქვამია ცენტრის განცხადებაში.
Arthur J. Finkelstein & Associates-ის მონაცემებით, კიდევ 41 მანდატს იღებენ დამოუკიდებელი კანდიდატები. გამოკითხვის ცდომილება 3,6-3,9%-ს შეადგენს.
ამომრჩევლები რეგისტრირებული 1314 დეპუტატობის კანდიდატიდან ერთპალატიანი პარლამენტის 125 წევრს ირჩევდნენ. ამჟამინდელ საპარლამენტო არჩევნებზე ხმის მიცემის უფლება აზერბაიჯანის 5 329 460 მოქალაქეს გააჩნია.