თბილისი, 23 დეკემბერი — Sputnik. ქართველმა ჩოგბურთელმა ოქსანა კალაშნიკოვამ რუს ეკატერინა ალექსანდროვასთან წყვილში გეორგინა გარსია-პერესი/სარა სორიბეს-ტორმოს ესპანურ დუეტთან ლიმოჟში WTA-ს სერიის ტურნირზე წააგო.
ესპანელები პირველ სეტში დიდ უპირატესობას ფლობდნენ და პარტია 6:2 მოიგეს. მეორე სეტში რუსულ-ქართულმა წყვილმა უკეთესად ითამაშა და მეტოქე წყვილს სათანადო ბრძოლა გაუმართა, მაგრამ ეს გამარჯვებისთვის საკმარისი მაინც არ აღმოჩნდა. შედეგად – 6:7 და თასი პირენეის ნახევარკუნძულზე გაემგზავრა.
ფინალში გასვლის წყალობით კალაშნიკოვამ გამოიმუშავა 95 სარეიტინგო ქულა და 1,5 ათასი ევრო.
ლიმოჟში ტურნირის დაწყებამდე კალაშნიკოვას აქტივში იყო 1390 სარეიტინგო ქულა. ის WTA-ს წყვილთა შორის რეიტინგში 63-ე ადგილზე იყო. უძლიერეს წყვილ ჩოგბურთელთა განახლებულ სიაში ქართველი სპორტსმენი მნიშვნელოვნად გაიუმჯობესებს პოზიციებს და მეექვსე ათეულის მაღალ საფეხურს დაიკავებს.
ტურნირის გამარჯვებული ინდივიდუალურ შეჯიბრებაში კალაშნიკოვას მეწყვილე ეკატერინა ალექსანდროვა გახდა.