საქართველოს რკინიგზა ახალ განრიგზე გადადის

თბილისი, 7 დეკემბერი — Sputnik. „საქართველოს რკინიგზა“ 8 დეკემბრიდან ახალ განრიგზე გადადის, იუწყება აჭარის ტელევიზია.

ცვლილებები შედის ყოველდღიურ, დღეგამოშვებით არსებული ჩქარ, სამგზავრო მატარებლებისა და ელექტრომატარებლების მოძრაობის განრიგებში.

მატარებლები იმოძრავებენ შემდეგი განრიგით:

- ყოველდღიური ჩქარი მატარებელი თბილისი - ბათუმი: 8:00 – 13:00; ბათუმი - თბილისი: 18:00 - 23:00.

- ყოველდღიური ჩქარი ელექტრომატარებელი თბილისი-ბათუმი: 17:35 სთ - 22:35 სთ; ბათუმი - თბილისი: 07:55 - 12:55 სთ.

- დღეგამოშვებით მოძრავი ჩქარი ელექტრომატარებელი თბილისი - ბათუმი, თბილისიდან გავა 0:45 საათზე, ბათუმში ჩავა - 5:55 საათზე; ბათუმი - თბილისი, ბათუმიდან 0:50 საათზე გავა, თბილისში ჩავა 5:55 საათზე.

მატარებლების განრიგი ზამთრის სეზონის დადგომისთანავე უკვე რამდენიმე წელია იცვლება. ახალი განრიგით მატარებლები ერთი წლის განმავლობაში იმოძრავებენ.