თბილისი, 8 აგვისტო - Sputnik. საირმეში ფოტოს გადაღებისას დაღუპული მედეა კვირკველიას და სოციალურ ქსელში უბედურ შემთხვევამდე გადაღებულ მის უკანასკნელ ფოტოს აქვეყნებს.
„შენი საბედისწერო სურათი მე გადავიღე“, - წერს მანო კვირკველია „ფეისბუქის“ პირად გვერდზე.
საირმეში, ხრამში გადავარდნის შედეგად ტრაგიკულად დაღუპული მედეა კვირველია გალის რაიონიდან იყო. ის ადგილობრივების ინფორმაციით, ზუგდიდში გათხოვდა, თუმცა მოგვიანებით საცხოვრებლად თბილისში გადავიდნენ.
ქალი, ბორცვზე ფოტოს გადასაღებად იყო ასული როცა ფეხი დაუცდა და 8-10 მეტრის სიმაღლიდან ხრამში გადავარდა. ის თავის ტრავმით, სამედიცინო დახმარების მისვლამდე გარდაიცვალა. მედეა კვირკველიას სამი შვილი დარჩა.
შსს-ს ინფორმაციით, მომხდარზე გამოძიება სსკ-ის 115- მუხლით დაიწყო, რაც თვითმკვლელობამდე მიყვანას გულისხმობს.