თბილისი, 23 მარტი — Sputnik. შინაგან საქმეთა სამინისტროს ისანი-სამგორის სამმართველოს თანამშრომლებმა, ქურდობის ბრალდებით 2004 წელს დაბადებული გ.ვ. და 2002 წელს დაბადებული ლ.ა. ქურდობაში ამხილეს, იუწყება პირველი არხი შსს-ზე დაყრდნობით.
ვარკეთილში დღეს ტექნიკის მაღაზია „სმაილი“ გაქურდეს - 21 წამში ორმა არასრულწლოვანმა ჩაამსხვრია მინები და მაღაზიიდან 1500 ლარის პროდუქციის წაღება მოასწრო - ძირითადად, ჰავერბორდები.
„გამოძიებით დადგინდა, რომ 23 მარტს, არასრულწლოვნებმა ვარკეთილში მაღაზია „სმაილი“ გაქურდეს და შემთხვევის ადგილიდან მიიმალნენ. პოლიციამ ნაქურდალი ნივთები ნივთმტკიცებად ამოიღო“, – აცხადებენ შსს-ში.
გამოძიება საქართველოს სისხლის სამართლის კოდექსის 177-ს მუხლის მე- 2 ნაწილით მიმდინარეობს“.
„სმაილის“ მაღაზიათა ქსელში ბოლო 6 თვის განმავლობაში ეს ძარცვის უკვე მეხუთე შემთხვევაა.