თბილისი, 10 მარტი - Sputnik. გურჯაანის სოფელ ვაჩნაძიანში მარჩილაშვილების ორსართულიან საცხოვრებელ სახლს ცეცხლი გაუჩნდა, იუწყება საზოგადოებრივი მაუწყებლის პირველი არხი.
ხანძრის შედეგად არავინ დაშავებულა, თუმცა ოჯახმა ბინიდან საყოფაცხოვრებო ნივთების გამოტანა ვერ შეძლო.
ხანძარი ამ დროისთვის ლოკალიზებულია. ადგილზე ამ დრომდე მუშაობენ რამდენიმე მუნიციპალიტეტის სახანძრო-სამაშველო ჯგუფები.
გურჯაანის მერის არჩილ ხანდამაშვილის განცხადებით, გურჯაანის მერია უსახლკაროდ დარჩენილ მარჩილაშვილების ექვსსულიან ოჯახს 5 ათასი ლარით დაეხმარება და დროებით საცხოვრებელ ფართს უქირავებს.
რა გახდა საცხოვრებელ სახლში ხანძრის მიზეზი, ჯერჯერობით უცნობია. მიმდინარეობს გამოძიება.