თბილისი, 3 მარტი — Sputnik. შინაგან საქმეთა სამინისტროს თანამშრომლებმა ზუგდიდში მსხვილფეხა პირუტყვის ქურდობის ბრალდებით სამი პირი დააკავეს, ნათქვამია უწყების მიერ გავრცელებულ განცხადებაში.
დაკავებულებს შორის ერთ-ერთი არასრულწლოვანია.
გამოძიებით დადგინდა, რომ ბრალდებულებმა მსხვილფეხა პირუტყვი მოიპარეს. ასევე გაირკვა, რომ ერთ-ერთმა ბრალდებულმა სხვადასხვა დროს ზუგდიდსა და მის მიმდებარე სოფლებში კიდევ ოთხი მსხვილფეხა პირუტყვი მოიპარა და ნაქურდალის უკანონო რეალიზაცია მოახდინა.
გამოძიება დაწყებულია სსკ-ის 177-ე მუხლის მესამე ნაწილით, რაც წინასწარი შეთანხმებით ჯგუფის მიერ და დიდი ოდენობით ჩადენილ ქურდობის ფაქტებს გულისხმობს და 3-დან 7 წლამდე ვადით პატიმრობას ითვალისწინებს.