თბილისი, 24 ნოემბერი – Sputnik. „საქართველოს რკინიგზის“ მაგისტრალური მიმოსვლის მატარებლებით მგზავრობისას, მომავალი წლიდან 50%-იანი შეღავათით კიდევ 70 000-მდე მოქალაქე ისარგებლებს, იუწყება ტელეკომპანია Imedi.
ინიციატივა საქართველოს პრემიერ-მინისტრს, მამუკა ბახტაძეს ეკუთვნის.
გავრცელებული ინფორმაციით, შეღავათი შეეხება საქართველოს ტერიტორიული მთლიანობისთვის ბრძოლების მონაწილეებს, ამ ბრძოლებში დაღუპულების ოჯახის წევრებს და მარჩენალდაკარგულებს. ასევე, მეორე მსოფლიო ომის ვეტერანებს და ავღანეთის ომის მონაწილეებს.
პრემიერის ინიციატივას საქართველოს მთავრობა უახლოეს სხდომაზე დაამტკიცებს, რის შემდეგაც საქართველოს რკინიგზის დირექტორთა საბჭო შესაბამის დადგენილებას 2018 წლის ბოლომდე გამოსცემს.