თბილისი, 23 ნოემბერი – Sputnik. საგანგებო სიტუაციების მართვის სამსახური იტალიური კომპანია GRISPORT-ისგან მეხანძრე-მაშველებისთვის 4000 წყვილ სპეციალურ ფეხსაცმელს შეიძენს, იუწყება საგანგებო სიტუაციების მართვის სამსახური.
უწყების ცნობით, ფეხსაცმელს ორწლიანი საექსპლუატაციო ვადა აქვს და თავისი ტექნიკური მახასიათებლებით სრულად შეესაბამება საერთაშორისო სტანდარტებს.
მეხანძრე-მაშველების სპეცფეხსაცმლის შეძენისთვის 677 600 ლარი გამოიყო.
საქართველომ ტყის ხანძრებთან ბრძოლის მიზნით სპეცტექნიკა შეიძინა>>
მასმედიის ინფორმაციით, გასულ წელს ქართველ მეხანძრე–მშველებს ისრაელმა და აშშ–მა, ერთად ჯამში, 800 წყვილი სპეციალური ცეცხლგამძლე ფეხსაცმელი გადასცეს.