თბილისი, 12 ნოემბერი — Sputnik. სამედ ვურღუნის სახელობის აზერბაიჯანის სახელმწიფო დრამატული თეატრი თბილისელი მაყურებლის წინაშე წარდგება ინგმარ ბერგმანის მიხედვით დადგმული სპექტაკლით „შემოდგომის სონატა".
წარმოდგენა გრიბოედოვის სახელობის თბილისის სახელმწიფო აკადემიური რუსული თეატრის სცენაზე 22 ნოემბერს გაიმართება.
სპექტაკლის პრემიერა აზერბაიჯანში 2018 წლის ზაფხულში შედგა და თანამედროვე თეატრალურ სამყაროში მნიშვნელოვანი ადგილის დამკვიდრება უკვე მოასწრო.
სპექტაკლის რეჟისორია ილგარ საფატი. დადგმაში მონაწილეობენ აზერბაიჯანის სახალხო არტისტები ლიუდმილა დუხოვნაია, მაბუდ მაგერამოვი, ასევე მსახიობები რუმია აღაევა და თამილა აბუთალიბოვა. დეკორაციების მხატვარია ალექსანდრ ფიოდოროვი, კოსტიუმების მხატვარი კი ოლგა აბასოვა.
ბილეთების შეძენა შესაძლებელია როგორც თეატრის სალაროში, ისე ონლაინ.