თბილისი, 12 ნოემბერი — Sputnik. ბაღდათის მუნიციპალიტეტის სოფელ ზეკარში, ტყეში გაჩენილი ხანძარი ლოკალიზებულია, იუწყება საგანგებო სიტუაციების მართვის სამსახური.
ხანძრის შედეგად ტყეში დამწვარია 10 ჰექტარი ფართობი.
უწყების ინფორმაციით, ცეცხლის გავრცელების საშიშროება ამ დროისთვის აღარ არსებობს.
ხანძარი ტყეში 10 ნოემბერს გაჩნდა. ხანძრის ქრობის პროცესში ჩართული იყო 200 მეხანძრე-მაშველი და ადგილზე შექმნილი იყო საგანგებო შტაბი.