თბილისი, 4 ოქტომბერი – Sputnik. მეცნიერებმა კავკასიის ერთიანი სეისმური საფრთხის რუკა შექმნეს, რომლის პრეზენტაცია დღეს გაიმართება, იუწყება ტელეკომპანია „იმედი“ პორტალ on.ge-ზე დაყრდნობით.
თანამედროვე სტანდარტების სეისმური საფრთხის რუკაზე მუშაობდნენ ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტის, სეისმური მონიტორინგის ეროვნული ცენტრისა და აშშ-ის ლორენს ლივერმორის ნაციონალური ლაბორატორიის თანამშრომლები, კერძოდ, მეცნიერები საქართველოდან, სომხეთიდან, აზერბაიჯანიდან, თურქეთიდან, აშშ-დან, კანადიდან და უნგრეთიდან.
პროექტის მხარდამჭერია ამერიკის შეერთებული შტატების მთავრობა, ენერგიის დეპარტამენტის ბირთვული უსაფრთხოების ადმინისტრაცია.
სეისმური საფრთხის რუკის პრეზენტაცია განათლების, მეცნიერების, კულტურისა და სპორტის სამინისტროში დღეს გაიმართება.