თბილისი, 1 ოქტომბერი — Sputnik. უნიკალური კლასიკური ავტომობილების რალი Peaks of the Caucasus თბილისში სამშაბათს, 2 ოქტომბერს გაიმართება იუწყებიან ღონისძიების ორგანიზატორები.
რალი სტარტს თავისუფლების მოედანზე აიღებს დილის 9 საათზე.
ორგანიზატორების თქმით, რალის ყველაზე „მხცოვანი მონაწილე“ — ეს 1922 წელს გამოშვებული Vauxhall 30/98-ია, ხოლო ყველაზე „ახალგაზრდა“ — 1951 წლის Jaguar Mark V Dropead Coupe.
აღსანიშნავია, რომ ღონისძიების ფარგლებში საქართველოს პირველად ეწვევა რალის მონაწილე 60 ბიზნესმენი ცხრა ქვეყნიდან. ისინი 14 სექტემბრამდე დარჩებიან საქართველოში და ქვეყნის თითქმის ყველა კუთხეს ეწვევიან.
მარშრუტის პირველი ნაწილი თბილისი-ვარძიის მიმართულებაა. 3 ოქტომებრს ავტომობილისტები ვარძიიდან ბორჯომისკენ
9 ოქტომბერს რალის მეორე ნაწილი დაიწყება — ამჯერად კახეთის მიმართულებით. ავტომობილისტები ჯერ ქალაქ სიღნაღს ეწვევიან, შემდეგ ლოპოტის ტბას ეწვევიან, იქიდან ყაზბეგში წავლენ და მოგზაურობას თბილისში დაასრულებენ.
სპორტული ღონისძიება ბანკ TBC-სა და ასევე კომპანია „სილქნეთის“, „გალფისა“ და Tsikolia Watches-ის მხარდაჭერით იმართება.