თბილისი, 22 სექტემბერი — Sputnik. შინაგან საქმეთა სამინისტროს თანამშრომლებმა ფოთში 47 წლის მამაკაცი განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით დააკავეს, ნათქვამია უწყების მიერ გავრცელებულ განცხადებაში.
სამართალდამცველებმა, ბრალდებულის პირადი ჩხრეკისას სამ გრამზე მეტი ჰეროინი, ნარკოტიკული საშუალება „სუბოქსინის“ 13 აბი და ექვსი ნატეხი ნივთმტკიცებად ამოიღეს.
გამოძიება დაწყებულის სსკ-ის 260-ე მუხლის მეექვსე ნაწილით („განსაკუთრებით დიდი ოდენობით ნარკოტიკული საშუალების უკანონო შეძენა-შენახვა“), რაც 8-დან 20 წლამდე ან უვადო თავისუფლების აღკვეთას ითვალისწინებს.