თბილისი, 28 ივლისი — Sputnik. ბათუმში მაშველებმა შავი ზღვიდან საფრანგეთის ოთხი მოქალაქე უვნებლად გამოიყვანეს, ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.
არსებული ინფორმაციით, ტურისტები სანაპიროდან ხუთ კმ-ში კატარღით სეირნობდნენ, რომელიც მოულოდნელად მწყობრიდან გამოვიდა და ნაპირზე გამოსვლა ვეღარ შეძლეს.
ამჟამად ტურისტების სიცოცხლეს საფრთხე არ ემუქრება.
ოფიციალური სტატისტიკის თანახმად, ბანაობის სეზონის დაწყებიდან, 1 მაისიდან საქართველოს შავ ზღვასა და მდინარეებში 26 ადამიანი დაიხრჩო (მათ შორის 7 არასრულწლოვანია), 36 კი დაღუპვას გადაარჩინეს.
საგანგებო სიტუაციების მართვის სამსახური მოუწოდებს მოქალაქეებს გამოიჩინონ სიფრთხილე და გაითვალისწინონ მაშველთა რეკომენდაციები.