თბილისი, 19 ივლისი — Sputnik. საქართველოსთან კეთილმეზობლური ურთიერთობების აღდგენა რუსეთისა და ორი ქვეყნის ხალხების ინტერესებშია, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ ტელეკომპანია Rustavi2-თვის მიცემულ ინტერვიუში.
„ჩვენ დაინტერესებული ვართ ქართულ-რუსული კეთილმეზობლური ურთიერთობების სრულმასშტაბიან აღდგენაში. ეს ჩვენი ხალხების ფუნდამენტურ ინტერესებს შეესაბამება და რუსეთის მხრიდან არანაირი წინააღმდეგობა არ არის და ნორმალიზების პროგრესი მთლიანად დამოკიდებულია პოლიტიკურ ნებასა და რეალობაზე", - განაცხადა ზახაროვამ.
დიპლომატიური ურთიერთობები საქართველოსა და რუსეთს შორის 2008 წლის აგვისტოდან თბილისის გადაწყვეტილებით შეწყდა მას შემდეგ, რაც მოსკოვმა აფხაზეთისა და ცხინვალის რეგიონის დამოუკიდებლობა აღიარა.