თბილისი, 8 ივნისი — Sputnik. საავტორო კინოს რიგით მე-13 საერთაშორისო ფესტივალი (BIAFF) ბათუმში 16-23 სექტემბერს გაიმართება, იუწყებიან საქართველოს ეროვნული კინოცენტრში.
ქართულ „დიალექტს“ კარლოვი ვარის კინოფესტივალზე აჩვენებენ >>
საკონკურსო პროგრამის გარდა, ფესტივალი მრავალრიცხოვან მასტერ-კლასებსა და სემინარებს მოიცავს.
ბათუმში შეიკრიბებიან კინემატოგრაფისტები აშშ-დან, რუსეთიდან, დიდი ბრიტანეთიდან, ირანიდან, გერმანიიდან, საფრანგეთიდან და სხვა ქვეყნებიდან.
ფესტივალის პროგრამა და ჟიურის საპატიო თავმჯდომარის ვინაობა მოგვიანებით გახდება ცნობილი.
ფესტივალი (Batumi International Art-House Film Festival) — სამ მთავარ ნომინაციას ითვალისწინებს — საუკეთესი მხატვრული, საუკეთესო დოკუმენტური და საუკეთესო მოკლემეტრაჟიანი ფილმი. ტრადიციულად კინოფორუმის პროგრამაშია ორი კონკურსი: ეროვნული და საერთაშორისო.
საავტორო კინოს ბათუმის საერთაშორისო ფესტივალი BIAFF საქართველოში 2006 წელს დაარსდა. ის ორიენტირებულია არტ-ჰაუსისა და დამოუკიდებელი კინოს სიახლეებზე, როგორც საქართველოში, ისე მის ფარგლებს გარეთ.