თბილისი, 31 მაისი — Sputnik. არ მივედი იმ აქციაზე და ვერ დავუდექი გამწარებულ მამას, რადგან მის გვერდით ჩვენი შვილების მკვლელები დგანან, განაცხადა ამირან (ბუტა) რობაქიძის დედამ ია მეტრეველმა.
„ნაცების ოცნება და გეგმაა, ქუჩაში არეულობის მოწყობა და არეულობის გზით ხელისუფლებაში დაბრუნება, რისთვისაც იყენებენ გაუბედურებულ მამას და ამ საშინელ ტრაგედიას…მე მთელი არსით თანავუგრძნობ დავით სარალიძეს და ზუსტად ვიცი, რასაც განიცდის, ყველაფერი ჩემს თავზე მაქვს გადატანილი“, – აცხადებს რობაქიძის დედა, ია მეტრეველი.
„ვუყურებ ზაზა სარალიძეს და საკუთარი უბედურებაც ცხადად მიდგება თვალწინ… ჩემთვის ცხადზე ცხადია, თუ რას განიცდის ის ახლა, მაგრამ ჩემთვის უბედურებაა ისიც, რომ მის გვერდით დგანან ის ადამიანები, ვინც ჩემი შვილი მოკლა. მე მხოლოდ ამ გარემოების გამო ვერ მივალ და გვერდით ვერ დავუდგები ზაზა სარალიძეს… კუპრავას გვერდში დაყენება როგორ შეიძლება?!“ — ამბობს გურამ გირგვლიანი.
თბილისში, ხორავას ქუჩაზე ორი მოზარდი დათო სარალიძე და ლევან დადუნაშვილი 2017 წლის 1 დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს საავადმყოფოში დაიღუპა.