თბილისი, 21 აპრილი — Sputnik. სამართალდამცველები გორში დაკარგულ, ორ არასრულწლოვან დას ეძებენ, იუწყება ტელეკომპანია „იმედი“ (Imedi).
16 წლის მარიამ და 17 წლის ანა მეგრელიშვილები 12 აპრილს გავიდნენ შინიდან, რის შემდეგაც ისინი აღარავის უნახავს. ხუთი დღის განმავლობაში, ოჯახი მათ საკუთარი ძალებით ეძებდა, შემდეგ კი შინაგან საქმეთა სამინისტროს შესაბამისი განცხადებით მიმართეს.
გაუჩინარებული გოგონების მშობლები საუბრობენ იმაზე, რომ მათი შვილები სკოლაში ჩაგვრის მსხვერპლნი იყვნენ.
შინაგან საქმეთა სამინისტრომ გამოძიება 143-ე მუხლით დაიწყო, რაც თავისუფლების უკანონო აღკვეთას გულისხმობს. უწყებაში არ გამორიცხავენ, რომ გამოძიების მსვლელობისას მუხლი გადაკვალიფიცირდეს.