თბილისი, 16 აპრილი — Sputnik. ავტოსაგზაო შემთხვევის შედეგად თამარ მეფის გამზირზე ახალგაზრდა ქალბატონი დაშავდა, იუწყება ტელეკომპანია Rustavi2.
შემთხვევა თბილისში დღეს დილით, 09:00 საათზე მოხდა. INFINITI –ის მარკის ავტომობილი „ზებრა“ გადასასვლელზე ქვეითს დაეჯახა.
დაშავებული მსუბუქი დაზიანებებით საავადმყოფოშია გადაყვანილი. ადგილზე მობილიზებული იყო საპატრულო და სასწრაფო დახმარების ბრიგადები.
მომხდარ ფაქტზე გამოძიება დაწყებულია სსკ-ის 276-ე მუხლის პირველი ნაწილით, რაც ტრანსპორტით მოძრაობის და ექსპლუატაციის წესის დარღვევას გულისხმობს.