თბილისი, 9 მარტი — Sputnik. ქუთაისში დღეს მომხდარი ავარიის შედეგად დაშავებულთა რაოდენობა გაცილებით მეტი აღმოჩნდა, ვიდრე აქამდე იყო ცნობილი, იუწყება ტელეკომპანია imedi.
წყალწითელას მიმდებარე ტერიტორიაზე ერთმანეთს სამი ავტომობილი შეეეჯახა, რის შედეგადაც ერთი ადამიანი ადგილზე გარდაიცვალა, ხოლო რამდენიმე დაშავდა.
ტელეკომპანიის ინფორმაციით, ამ დროისთვის ქუთაისის ინტერვენციულ საავადმყოფოში 11 ადამიანია მოთავსებული, რომელთაგან ხუთი ბავშვია.
როგორც კლინიკაში აცხადებენ, ორი ბავშვის ჯანმრთელობის მდგომარეობა სტაბილურად მძიმეა და ისინი რეანიმაციულ განყოფილებაში იმყოფებიან, სამის კი სტაბილურია.
რაც შეეეხება დანარჩენ ექვს დაშავებულს, რომელთაგან ერთი ფეხმძიმეა, მათი ჯანმრთელობის მდგომარეობაც სტაბილურია.
რა გახდა ავტოსაგზაო შემთხვევის მიზეზი, ჯერჯერობით უცნობია.
მომხდართან დაკავშირებით გამოძიება სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სოცოცხლის მოსპობა (ისჯება თავისუფლების აღკვეთით ვადით ოთხიდან შვიდ წლამდე).