თბილისი, 29 იანვარი — Sputnik. გერმანიის ქალაქ ფრაიბურგ-იმ-ბრაისჰაუში დაუდგენელმა პირებმა ორი სატვირთო ავტომობილი გაიტაცეს, რომლებშიც 44 ტონა შოკოლადი იყო, იუწყება საინფორმაციო სააგენტო РИА Новости ქალაქის პოლიციაზე დაყრდნობით.
ინციდენტი შაბათის ღამით მოხდა. ორი ფურა, საერთო ჯამში 400 ათასი ევროს ღირებულების საქონლით, სამრეწველო ზონაში მდებარე სადგომზე იყო გაჩერებული.
პოლიციამ ერთი სატვირთო თავისი საქონლიანად იქვე ახლოს, ტრასაზე გაჩერებული აღმოაჩინა, რომლის მძღოლიც სამართალდამცველებს გაექცა, ხოლო მეორე ფურა ქალაქ ლარის მახლობლად იპოვეს — ტვირთისგან დაცლილი. როგორც ჩანს, მძარცველმა მოასწრო 22 ტონა შოკოლადის სხვა მანქანაში გადატვირთვა და წაღება.
პოლიციამ უკვე დაიწყო ინციდენტის გამოძიებაზე მუშაობა.