თბილისი, 12 იანვარი — Sputnik. მატჩი საქართველოს სუპერთასისთვის ქვეყნის ჩემპიონ ქუთაისის „ტორპედოსა" და ქვეყნის თასის მფლობელ საჩხერის „ჩიხურას" შორის 24 თებერვალს გაიმართება, აღნიშნულია საქართველოს ეროვნული ლიგის ვებ-გვერდზე განთავსებულ განცხადებაში.
ამ შეხვედრით, რომელიც თბილისში „დინამო არენას" სტადიონზე გაიმართება, საქართველოს 2018 წლის საფეხბურთო სეზონი იხსნება.
რაც შეეხება უშუალოდ საქართველოს ეროვნული ლიგის მატჩებს, პირველი ტურის თამაშები 2 მარტს გაიმართება. 1 მარტს იწყება მეორე ლიგის თამაშები.
საქართველოს ჩემპიონატის ეროვნულ ლიგაში, 2018 წლის სეზონზე, 10 გუნდი მიიღებს მონაწილეობას. ჩემპიონატი შედგება ოთხი წრისგან (36 მატჩი), რომლებშიც ყველა გუნდი ერთმანეთს ორ-ორჯერ შეხვდება — შინ და გასვლით მატჩში.
საქართველოს ჩემპიონატი ნოემბრის ბოლოს დასრულდება.