თბილისი, 4 იანვარი — Sputnik. საქართველოდან მსოფლიოს 53 ქვეყანაში 2017 წელს ექსპორტირებულია 76,7 მლნ ბოთლი ღვინო, რაც 54%-ით აღემატება 2016 წლის მაჩვენებელს, იუწყება ღვინის ეროვნული სააგენტო.
„გასულ წელს ბოლო 30 წლის მანძილზე რეკორდული რაოდენობის ღვინოა ექსპორტირებული, რაც ღვინის ინდუსტრიისა და მეღვინეობა-მევენახეობის დარგის მარეგულირებელი შესაბამისი სამთავრობო სტრუქტურების კოორდინირებული და ეფექტური თანამშრომლობითაა მიღწეული“- აღნიშნულია ღვინის ეროვნული სააგენტოს მიერ გავრცელებულ ინფორმაციაში.
ექსპორტის მატება აღსანიშნავია შემდეგ ქვეყნებში: ჩინეთი — 43% (7585407 ბოთლი), რუსეთი — 76% (47778920), უკრაინა — 46%(8502554), პოლონეთი — 15% (2676440), ლატვია — 20% (1505138), ბელარუსი — 56% (1827130), აშშ — 56% (457920), გერმანია — 38% (404538), ისრაელი — 150% (213074), მონღოლეთი — 82% (168162), საფრანგეთი — 178% (99796), აზერბაიჯანი75% (141294) და სხვა.
ექსპორტიორიქვეყნებისპირველიხუთეული კი ასე გამოიყურება: რუსეთი (47778920 ბოთლი), უკრაინა(8502554), ჩინეთი(7585407), ყაზახეთი(3322867) და პოლონეთი(2676440).
ადგილწარმოშობის დასახელებებიდან ყველაზე დიდი რაოდენობით ექსპორტირებულია „ქინძმარაული“ – 12,8 მლნ ბოთლი, შემდეგ მოდის „მუკუზანი“ – 4,2 მლნ, „წინანდალი“ – 3,4 მლნ, „ახაშენი“ – 1,5 მლნ, „ხვანჭკარა“ – 887,5 ათასი, „ტვიში“ – 308,8 ათასი ბოთლი და ა.შ.
2017 წელს, სხვადასხვა მოცულობის ღვინის ექსპორტი 250-მდე კომპანიამ განახორციელა.
2017 წელს ექსპორტირებული ღვინო 170 მლნ-მდე აშშ დოლარის ღირებულებისაა. 2016 წლის ანალოგიურ მაჩვენებელთან შედარებით ზრდამ 49% შეადგინა.
ამასთან, მსოფლიოს 26 ქვეყანაში ექსპორტირებულია 18,4 მლნ ბოთლი (0,5 ლ) ბრენდი, რაც 78%-ით აღემატება 2016 წლის მაჩვენებელს. სულ ექსპორტირებულია 39,4 მლნ აშშ დოლარის ღირებულების ბრენდი — მატება 70%-ს აღწევს.
რაც შეეხება ჭაჭას, მსოფლიოს 23 ქვეყანაში ექსპორტირებულია 288 ათასიბოთლი (0,5 ლ) ჭაჭა, ექსპორტის ზრდამ 180% შეადგინა. ჭაჭის ექსპორტით მიღებული შემოსავლები 846,3 ათას აშშ დოლარს შეადგენს, ზრდამ 2016 წელთან შედარებით 148%-ს მიაღწია.
მთლიანობაში — ღვინის, ბრენდის, ჭაჭის, ჩამოსასხმელი ბრენდის, ღვინო მასალის და საბრენდე სპირტის ექსპორტის შედეგად მიღებული შემოსავლები 283,8 მლნ აშშ დოლარს შეადგენს — ზრდამ 2016 წელთან შედარებით 46%-ს მიაღწია.