რამდენად სანდოა თერმოსკრინინგის აპარატები და რა უნდა გავაკეთოთ „ჩვენ“

© Sputnik / Seyran Baroyanთერმოსკრინინგი
თერმოსკრინინგი - Sputnik საქართველო
გამოწერა
ნაცნობია არც ისე იშვიათი შემთხვევები, როდესაც თერმოსკრინინგის აპარატმა გადაწყვიტა, რომ ტემპერატურა არარეალურად დაბალი გაქვთ, ხოლო ადამიანი, რომელიც იმ პატარა ეკრანზე ამას კითხულობს, ჩუმად არის...

საქართველოში კორონავირუსის შემთხვევები დღითი დღე რეკორდს ამყარებს, ყოველდღიური გამოვლინება უკვე სამნიშნა რიცხვებით იზომება.

რადგან ახალი რეგულაციების თანახმად საერთო მოხმარების სივრცეში – სკოლებში, გასართობ ადგილებში, ბანკებში, აეროპორტებში, მოლებში, მაღაზიებში, სარკინიგზო სადგურებში, ავტოსადგურებში, საგამოფენო დარბაზებსა თუ მუზეუმებში უნდა მოხდეს იქ მყოფი ადამიანების ტემპერატურის კონტროლი, ტრადიციული თერმომეტრის გამოყენება მისი დეზინფექციის გარეშე შეუძლებელია. ამიტომ შემოწმების წარმატებით და დროულად განხორციელება მხოლოდ თერმოსკრინინგის აპარატების (სიცხის საზომი უკონტაქტო თერმომეტრი) მეშვეობით არის შესაძლებელი. როგორც უკვე ვიცით, თუ სადმე შესვლას ვაპირებთ, ტემპერატურა არ უნდა აღემატებოდეს 37.0 გრადუსს. თუმცა...

ბათუმის ბულვარში - Sputnik საქართველო
კორონავირუსმა დღის წესრიგი ისევ შეცვალა, ანუ როგორ ემზადება საქართველო მეორე ტალღისთვის

ასეა თუ ისე, მით უფრო ამ ბოლო დროს, ალბათ ბევრი თქვენგანისთვის ნაცნობია არც ისე იშვიათი შემთხვევები, როდესაც აპარატმა გადაწყვიტა, რომ ტემპერატურა 33 გრადუსი, ან რაღაც მსგავსი, არარეალურად დაბალი გაქვთ, ხოლო ადამიანი, რომელიც იმ პატარა ეკრანზე ამას კითხულობს, ჩუმად არის. აქ მოქალაქეობრივი პასუხისმგებლობის დანაშაული გვახსენდება...

ყველა აპარატს შეძენისას მოჰყვება ვარგისიანობის ვადა, რესურსი, რამდენჯერ შეუძლია გაზომოს ტემპერატურა. ნორმალური ხარისხის აპარატს საშუალოდ 10 ათასჯერ შეუძლია გაზომვა.

სიცხის საზომს უნდა ჰქონდეს ხარისხის სერტიფიკატიც.

პრაქტიკოსი ფსიქოლოგი, ფსიქოთერაპევტი და ტრენერი ნანა ფაცაცია - Sputnik საქართველო
იდეალური ოჯახები არ არსებობს, ანუ რატომ დაინგრა ქორწინებები პანდემიის დროს

საქართველოში თერმოსკრინინგის აპარატის ღირებულება 65 ლარიდან 300 ლარამდე მერყეობს. ხოლო თუ უცხოურ საიტებს გადავხედავთ, აპარატის შეძენას ბევრად იაფად, 7–10 დოლარადაც შევძლებთ.

ჩნდება კითხვა: რამდენად გამართულად მუშაობს ათასობით ობიექტზე აღნიშნული აპარატები და აქვთ კი უწყებებს ძალა და რესურსი ობიექტების კონტროლისთვის? ან იქნებ მართლაც სამოქალაქო პასუხისმგებლობის იმედად ვართ?

როგორც ჯანდაცვის სამინისტროს შრომის პირობების ინსპექტირების დეპარტამენტის ინსპექტირების სამმართველოს უფროსმა მაია მიქაიამ „Sputnik–საქართველოს“ განუცხადა, მთავრობის მიერ დადგენილი რეკომენდაციების გათვალისწინებით ერთ-ერთი ვალდებულებაა თერმოსკრინინგი, ხოლო აპარატის გამართულად მუშაობაზე ობიექტის მენეჯერია პასუხისმგებელი.

სათამაშო მეოედანი - Sputnik საქართველო
იზოლაცია და განსაკუთრებული საჭიროების მქონე ბავშვები: სპეციალისტი გვირჩევს

„მთავრობის მიერ დადგენილი რეკომენდაციების მიღების შემდეგ გაფრთხილებულია ყველა ობიექტი, თუ როგორ უნდა იხელმძღვანელონ წესების დაცვით. ერთ-ერთი ვალდებულებაა თერმოსკრინინგი. აპარატებს მოჰყვება პასპორტი, თუ რამდენჯერ არის შესაძლებელი ტემპერატურის გაზომვა. ამ შემთხვევაში მენეჯერი უზრუნველყოფს თერმომეტრის გამართულობას. ჩვენც ვცდილობთ, რომ პირველად არა სანქციებით, არამედ გაფრთხილებით და დახმარებით მოვახდინოთ პრობლემის აღმოფხვრა, მაგრამ იურიდიული პირი, რომელიც დადგენილ რეკომენდაციებს არ ემორჩილება, დაჯარიმდება 10 ათასი ლარით, ხოლო ფიზიკური პირი – 2 ათასი ლარით“, – განუცხადა მაია მიქაიამ სააგენტოს.

მაგალითად, აჭარაში რამდენიმე დღის წინ ობიექტების მიერ კორონავირუსის პრევენციის კუთხით რეკომენდაციების შესრულების შემოწმების დროს დეპარტამენტის თანამშრომლებმა 600 ბიზნეს-სუბიექტი სიტყვიერად გააფრთხილეს, ხოლო 15 – დააჯარიმეს.

უფლისციხე - Sputnik საქართველო
რა წესები უნდა დაიცვათ, თუ მუზეუმებსა და მუზეუმ-ნაკრძალებში ვიზიტს გადაწყვეტთ

საქმე რთულადაა. ქვეყანაში უფრო მეტი ობიექტია, ვიდრე შესაბამისი მაკონტროლებელი უწყების თანამშრომელი.

რა ხდება მაშინ, როდესაც პანდემიას მხოლოდ უწყებები ვერ ერევიან? როდესაც მე აღარ ვარ უბრალოდ „მე“, ვხდები „ჩვენ“ და პასუხისმგებელი ვხდები სხვა, ბევრი ადამიანის ბედ-იღბალსა და ჯანმრთელობაზე? მარტივია – ჩნდება ვალდებულება, რომ აღარ გაქვს იმის უფლება, რომ ჩაატარო ექსპერიმენტი მაშინ, როდესაც წინ უამრავი მაგალითი გაქვს.

როგორც „Sputnik–საქართველოს“ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განუცხადა, ინფექციის ზრდა ჩვენ ყველამ ერთად, სახელმწიფოსთან, ექიმებთან და მოსახლეობასთან ერთად უნდა შევაკავოთ.

„კორონავირუსულ პანდემიას მოერევა ერთად სახელმწიფო, ექიმები და საზოგადოება. საჭიროა მათი მჭიდრო თანამშრომლობა და კოორდინირებული მუშაობა პანდემიასთან ბრძოლის პროცესში. ჩვენ, ყველამ უნდა გავითავისოთ ჩვენი წილი პასუხისმგებლობა. ამას ვერ გააკეთებენ ცალკეული სახელმწიფოები, ეს უნდა მოხდეს გლობალურად. ამიტომ საერთაშორისო თანამშრომლობა უაღრესად მნიშვნელოვანია“, – განუცხადა სააგენტოს ამირან გამყრელიძემ.

მუზის ძეგლი პირბადით - Sputnik საქართველო
თუ გააგრძელებთ დაბინძურებული პირბადეების გამოყენებას...

რეალობამ დაგვანახა, რომ დაავადებათა კონტროლის ცენტრის ხელმძღვანელის თუ უწყებების მოწოდებებს იმისთვის არ უნდა დაველოდოთ, რომ მტვრიანი დეზობარიერები, არასწორად გაკეთებული პირბადეები და ვადაგასული თერმოსკრინინგის აპარატები აღარ იყოს.

არ ვიცით კიდევ რამდენ ხანს, მაგრამ ახლა ასეა: „მე“ – არა, „შენ“ – არა, არამედ „ჩვენ“ და ისევ ორი მეტრის დაშორებით...

 

ყველა ახალი ამბავი
0