თბილისის მერიამ 700 მიკროავტობუსის შესყიდვაზე ტენდერი გამოაცხადა

© courtesy of Kakha Kaladzeკახა კალაძე
კახა კალაძე - Sputnik საქართველო, 1920, 07.04.2021
გამოწერა
თბილისის მერის თქმით, სატრანსპორტო პოლიტიკის ფარგლებში დედაქალაქში ე.წ. ყვითელი ავტობუსების ჩანაცვლების პროცესიც აქტიურად მიმდინარეობს.

თბილისი, 7 აპრილი – Sputnik. 700 ერთეული მიკროავტობუსის შესყიდვის ელექტრონული ტენდერი უკვე გამოცხადდა, განაცხადა თბილისის მერმა კახა კალაძემ დედაქალაქის მთავრობის სხდომაზე.

როგორც კალაძემ აღნიშნა, მიმდინარე წლის ბოლომდე თბილისში არსებული მიკროავტობუსების პარკი სრულად განახლდება.

ახალი მიკროავტობუსები - Sputnik საქართველო, 1920, 01.04.2021
დღეიდან ლურჯი მიკროავტობუსებით მგზავრობის ღირებულება 50 თეთრი გახდა

დედაქალაქის მერის ინფორმაციით, სატენდერო პირობების მიხედვით, 700 მიკროავტობუსი დედაქალაქში წლის ბოლომდე ჩამოვა. აქედან 300 ერთეულს მუნიციპალიტეტი შეისყიდის იმ თანხებით, რომელსაც კომპანიისგან ადრე შესყიდული მიკროავტობუსების თანხის დაბრუნებით მიიღებს.

„იცით, რომ 300 მიკროავტობუსი, რომელიც ქალაქში გადაადგილდება, მუნიციპალიტეტმა ბიუჯეტის თანხებით შეისყიდა. კომპანიას კი დავუწესეთ ვალდებულება, რომ ის იმ თანხას დაგვიბრუნებდა, რაც გადახდილი გვაქვს და მათი გამოცვლა ივნისისთვის უნდა მოხდეს. მიღებული თანხით კიდევ 300 ერთეულს ვიყიდით“, - განაცხადა კალაძემ.

კალაძის განცხადებით, ამ მიკროავტობუსების თანხას კვლავ გამოისყიდის კომპანია და მუნიციპალიტეტი შემდეგ 400 ერთეულს იყიდის. საერთო ჯამში თბილისის მოსახლეობას 1 ათასი ერთეული ლურჯი მიკროავტობუსი მოემსახურება.

მოსწავლეები ლურჯი მიკროავტობუსებით უფასოდ იმგზავრებენ>>

მისივე ინფორმაციით, ახალი მიკროავტობუსების რაოდენობა დედაქალაქის სატრანსპორტო პოლიტიკით დადგენილ საჭიროებებს სრულად შეესაბამება.

„იცით, რომ ე.წ. ყვითელი ავტობუსები დაახლოებით 1.5-1.7 ათასი გადაადგილდებოდა ქალაქში, თუმცა ჩვენი ახალი სატრანსპორტო პოლიტიკის მიხედვით, მხოლოდ 1 ათასი მიკროავტობუსის საჭიროება არსებობს. ამასთან, ვამატებთ ახალ, რვამეტრიან ავტობუსებს და მოსახლეობა მაქსიმალურად კომფორტულად იგრძნობს თავს, როდესაც საზოგადოებრივი ტრანსპორტის რეფორმა დასრულდება“, - აღნიშნა კალაძემ.

ახალი მიკროავტობუსი გათვლილია 17 მგზავრზე, აღჭურვილია თბილისის კლიმატზე გათვლილი გათბობა-კონდიცირების სისტემით. გარდა ამისა, აქვს AM/FM რადიო და AUX, USB შესაერთებლები.

კახა კალაძე - Sputnik საქართველო, 1920, 17.03.2021
უფასოდ მგზავრობა 1,5 საათის განმავლობაში ახალ მიკროავტობუსებშიც იქნება შესაძლებელი

როგორც ადრე დედაქალაქის მერიაში განაცხადეს, ახალ მარშრუტებზე მოძრავ ავტობუსებსა და მიკროავტობუსებში თანხის გადახდა შესაძლებელი იქნება მხოლოდ ბარათის საშუალებით, მგზავრობის დასაწყისშივე. მიკროავტობუსების ხაზების მონიტორინგი თანამედროვე GPS და მგზავრთა მთვლელი სისტემების გამოყენებით განხორციელდება.

დღეისათვის თბილისში ყოველდღიურად დაახლოებით 1,8 ათასი მიკროავტობუსი მოძრაობს.

ყველა ახალი ამბავი
0