თბილისის ზოგიერთ ქუჩაზე ტრანსპორტის მოძრაობა იზღუდება

გამოწერა
მუხათგვერდის ქუჩიდან ფარნავაზ მეფის გამზირისა და 100 ათასი მოწამის ქუჩის კვეთამდე გზის სარეაბილიტაციო სამუშაოებია დაგეგმილი.

თბილისი, 23 ნოემბერი – Sputnik. მუხათგვერდის ქუჩიდან ფარნავაზ მეფის გამზირისა და 100 ათასი მოწამის ქუჩის კვეთამდე ტრანსპორტის მოძრაობა დროებით შეიზღუდება, იუწყება დედაქალაქის მერია.

უწყების ცნობით, ტრანსპორტის მოძრაობის შეზღუდვის მიზეზი ამ ქუჩებზე დაგეგმილი სარეაბილიტაციო სამუშაოებია.

საზოგადოებრივი ტრანსპორტი თბილისში - Sputnik საქართველო
თბილისში სატრანსპორტო შეზღუდვები ამოქმედდება

„დაგეგმილი სამუშაოებიდან გამომდინარე, მიმდინარე წლის 24 ნოემბრიდან 6 დეკემბრის ჩათვლით მუხათგვერდის ქუჩაზე ავტომობილების გადაადგილების სქემა დროებით შეიცვლება. ტრანსპორტის მოძრაობა შესაძლებელი იქნება ფარნავაზ მეფის გამზირის, გიორგი ბალანჩინის ქუჩის, მირიან მეფის ქუჩისა და დავით აღმაშენებლის ხეივნის გავლით“, – აღნიშნულია მერიის ინფორმაციაში.

სამუშაოების წარმოების პერიოდში საზოგადოებრივი ტრანსპორტის მარშრუტიც შეიცვლება. კერძოდ, N84 ავტობუსი დიდ დიღომში მირიან მეფის ქუჩიდან ფარნავაზ მეფის გამზირის გავლით გადაადგილდება, ხოლო შემდგომ სვლას დადგენილი მარშრუტით განაგრძობს. ავტობუსი უკუმიმართულებითაც იმავე მარშრუტით იმოძრავებს. 

ყველა ახალი ამბავი
0