07:57 26 ნოემბერი 2020
პირდაპირი ეთერი
  • EUR3.9424
  • 100 RUB4.3806
  • USD3.3138
თბილისი
მოკლე ბმულის მიღება
თბილისი დღეს (1820)
58 0 0

დედაქალაქის მერმა მოსახლებას კიდევ ერთხელ მოუწოდა ყველა რეკომენდაციის დაცვისკენ და განაცხადა, რომ პანდემიის წინააღმდეგ ყველა უნდა გაერთიანდეს.

თბილისი, 6 ნოემბერი - Sputnik. მინდა, მივმართო თბილისელებს, ჩვენს მოსახლეობას, ვაჩვენოთ სოლიდარობის ის ძალა, რაც ამ ქალაქს ყოველთვის გამოარჩევს, დღეს სოლიდარობა გვჭირდება საკუთარი და სხვისი სიცოცხლის მოსაფრთხილებლად, განაცხადა თბილისის მერმა კახა კალაძემ.

როგორც თბილისის მერმა აღნიშნა, ხელისუფლებამ, საზოგადოებასთან ერთად, ყველაფერი გააკეთა, რათა ვირუსის მეორე ტალღას ქვეყანა მაქსიმალურად მომზადებული შეხვედროდა და მთავრობას ე.წ. ლოკდაუნის დაწესება არ დასჭირვებოდა.

„პანდემია საერთო გამოწვევაა ყველასთვის – ქვეყნისთვის, ხელისუფლებისთვის, ხალხისთვის, ექიმებისთვის. ამიტომ, პანდემიის წინააღმდეგ ყველა უნდა გავერთიანდეთ, სხვაგვარად ამ უხილავ და ვერაგ მტერს ვერ დავამარცხებთ“, - განაცხადა კალაძემ.

როგორც კალაძემ აღნიშნა, პანდემიისა და ინფიცირების მზარდი მაჩვენებლის ფონზე, საქართველომ შეძლო, ჩაეტარებინა უსაფრთხო არჩევნები, რომელიც მსოფლიომ აღიარა.

თბილისის მერმა ასაკოვან, ასევე ჯანმრთელობის პრობლემების მქონე ადამიანებს მიმართა, მაქსიმალურად შეიკავონ თავი სახლიდან გამოსვლისგან.  ასევე მოსახლეობას რეკომენდაცების დაცვისკენ კიდევ ერთხელ მოუწოდა.

„გარდაუვლად და აუცილებლად უნდა დავიცვათ სპეციალისტების ყველა რეკომენდაცია, ვატაროთ პირბადეები, დავიცვათ სოციალური დისტანცია, დავიცვათ ჰიგიენის ნორმები. მჯერა, ერთობით, ერთმანეთის გვერდში დგომით შევძლებთ როგორც ამ მსოფლიო გამოწვევასთან გამკლავებას, ისე პანდემიით გამოწვეული კრიზისის სწრაფად დაძლევას“, – განაცხადა კალაძემ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2775-ით გაიზარდა (მათ შორის თბილისში 1 044 შემთხვევა) და ინფიცირებულთა საერთო რიცხვმა 51993-ს მიაღწია. ამ დროისათვის სულ გამოჯანმრთელდა 37019 ადამიანი, გარდაიცვალა 423 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

თემები:
თბილისი დღეს (1820)

მთავარი თემები