გალა–კონცერტი თბილისობაზე გია ყანჩელს მიეძღვნება

გამოწერა
გალა–კონცერტი 5 ოქტომბერს ორბელიანის მოედანზე 20:00 საათზე დაიწყება.

თბილისი, 3 ოქტომბერი — Sputnik. თბილისობაზე დაგეგმილი გალა–კონცერტი გამოჩენილ ქართველ კომპოზიტორის გია ყანჩელის ხსოვნას მიეძღვნება, იუწყება პირველი არხი დედაქალაქის მერიის ინფორმაციაზე დაყრდნობით.

გია ყანჩელი: მე ყოველთვის ძალიან მძიმედ და ძალიან ტანჯვით ვწერ მუსიკას>>

გალა–კონცერტი და საპატიო თბილისელების დაჯილდოება 5 ოქტომბერს ორბელიანის მოედანზე 20:00 საათზე დაიწყება.

გია ყანჩელი, რომელმაც უდიდესი წვლილი შეიტანა ქართულ მუსიკალურ ხელოვნებაში, 84 წლის ასაკში გუშინ გარდაიცვალა. მას დიდუბის მწერალთა და საზოგადო მოღვაწეთა პანთეონში შაბათს, 5 ოქტომბერს დაკრძალავენ.

კომპოზიტორი გია ყანჩელი - Sputnik საქართველო
ყანჩელის გარდაცვალებას მთელი მსოფლიოდან ცნობილი ადამიანები ეხმაურებიან

სამოქალაქო პანაშვიდი კომპოზიტორის სახლში (ტოვსტონოგოვის 6) 3 და 4 ოქტომბერს გაიმართება. ამ სახლში 1904 წლიდან ცხოვრობდა ყანჩელის ოჯახის ექვსი თაობა.

დიდ მაესტროს შოთა რუსთაველის სახელობის თბილისის სახელმწიფო დრამატული თეატრის შენობიდან 14:00 საათზე გამოასვენებენ.

გია ყანჩელი მრავალი სიმფონიური და კამერული ნაწარმოების ავტორია. დაწერილი აქვს მუსიკა დრამატული სპექტაკლებისთვის, ათეულობით კინოფილმისთვის, მათ შორის ისეთი პოპულარული ფილმებისთვის, როგორებიცაა „მიმინო", „შერეკილები", „არ დაიდარდო", „ქინ-ძა-ძა", „ცისფერი მთები ანუ დაუჯერებელი ამბავი" და სხვ.

ყველა ახალი ამბავი
0