თბილისი, 28 დეკემბერი — Sputnik. 11 წლის ლევან გიორგაძე დღის გმირი გახდა მას შემდეგ, რაც სოციალურ ქსელში გამოჩნდა ფოტო, როგორ აფარებს ის თავის ქურთუკს მაწანწალა ძაღლს თბილისის გარეუბანში ერთ-ერთი საცხოვრებელი სახლის წინ.
ფოტო კომენტარით „თავისთვის იწვა ძაღლი, მივიდა, ეფერა და მერე თავის ქურთუკი დააფარა", საოცარი სისწრაფით გავრცელდა სოციალურ ქსელში. Facebook-ში ის მომხმარებელმა Dembo Lomidze-მ გამოაქვეყნა.
ფოტოთი ქალაქის რაიონი სოციალური ქსელი მომხმარებელმა მაშინვე იცნო - მუხიანი. პოსტის გაზიარებების რაოდენობამ 1,7 ათასს უკვე გადააჭარბა.
„როცა ადამიანად დაიბადები", - დაწერა მომხმარებელმა ანი კოშაძემ.
„ასწავლეთ შვილებს ცხოველების სიყვარული და ისინი უდავოდ კარგი ადამიანები გახდებიან", - დაწერა Levani Tako-მ.
„აი, ასეთი მომავლის მჯერა", - აღნიშნა Marianna Matiashvili-მა.
მას შემდეგ, რაც 11 წლის ბიჭი სოციალური ქსელის გმირი გახდა, ის თბილისის მერიის ცხოველთა მონიტორინგის სააგენტომ მიიწვია. უწყების თანამშრომლებმა ბავშვთან ერთად თბილისში, სუნდუკიანის ქუჩაზე ძაღლის დიდი სადგომი დაამონტაჟა.
