უკრაინიდან საქართველოში მეგის ქარდავას ექსტრადიცია განხორციელდა

© photo: Sputnikაეროპორტი
აეროპორტი - Sputnik საქართველო, 1920, 17.09.2021
გამოწერა
11 სექტემბერს მეგის ქარდავამ თავად გაავრცელა ინფორმაცია, რომ უკრაინის ხელისუფლება მის ექსტრადიციას ამზადებდა.
თბილისი, 17 სექტემბერი – Sputnik. უკრაინიდან საქართველოს თავდაცვის სამინისტროს სამხედრო პოლიციის ყოფილი უფროსის მეგის ქარდავას ექსტრადიცია განხორციელდა.
მეგის ქარდავა კიევიდან თბილისის საერთაშორისო აეროპორტში ცოტა ხნის წინ ჩამოიყვანეს. ქარდავას აეროპორტიდან რუსთავის №12 სასჯელაღსრულების დაწესებულებაში გადაიყვანენ.
მისი ექსტრადიციის შესახებ გადაწყვეტილება უკრაინის სასამართლომ 13 სექტემბერს მიიღო.
ოთხშაბათს ქარდავას ადვოკატმა მალხაზ ველიჯანაშვილმა განაცხადა, უკრაინიდან საქართველოს სამხედრო პოლიციის ყოფილი უფროსის ექსტრადიციის საკითხს უახლოეს სამ თვეში გაერო განიხილავს.
დაკავება - Sputnik საქართველო, 1920, 15.09.2021
საქართველოში მეგის ქარდავას ექსტრადიციის საქმეში გაერო ჩაერია
ქარდავამ საქართველო 2012 წელს ხელისუფლების შეცვლის შემდეგ დატოვა, 2013 წელს კი მასზე ძებნა გამოცხადდა. საქართველოში ქარდავას არაერთი დანაშაულის ჩადენა ედება ბრალად. მათ შორისაა წამება, სექსუალური ხასიათის ძალადობრივი ქმედებების ორგანიზება, სახელმწიფო სახსრების გაფლანგვა და ა.შ.
უკრაინაში ქარდავა 2017 წლის ნოემბერში დააკავეს, როდესაც ქარდავა უკრაინაში შეღწევას რუმინეთის ტერიტორიიდან ყალბი პასპორტის მეშვეობით ცდილობდა. 2018 წლიდან მეგის ქარდავას საექსტრადიციო პატიმრობა შინაპატიმრობით ჰქონდა შეცვლილი. სწორედ იმ დღიდან დაიწყო საქართველოში მისი ექსტრადიციის საქმის განხილვა. მთელი ამ დროის განმავლობაში ქარდავა შინაპატიმრობაში იმყოფებოდა.
დაკავება - Sputnik საქართველო, 1920, 15.09.2021
საქართველოში მეგის ქარდავას ექსტრადიციის საქმეში გაერო ჩაერია
საქართველოს პროკურატურა ქარდავას ექსტრადიციას სისხლის სამართლის 11 საქმეზე ითხოვდა. მას რამდენიმე გამამტყუნებელი განაჩენი დაუსწრებლად გამოუტანეს. თბილისის საქალაქო სასამართლომ პირველი განაჩენი ქარდავას მიმართ ე.წ. ციხის ბუნტის საქმეზე გამოიტანა — პატიმრების დამამცირებელი და არაადამიანური მოპყრობის მუხლით მას სამი წელი და ცხრა თვე დაუსწრებლად მიესაჯა. ე.წ. „ნავთლუღის სპეცოპერაციის" საქმეზე კი პატიმრობის ვადად 7 წელი და 6 თვე განესაზღვრა.
კიდევ ერთი გამამტყუნებელი განაჩენი ქარდავას წინააღმდეგ სექსუალური ძალადობის, წამებისა და თავისუფლების უკანონო შეზღუდვის ბრალდებით თბილისის საქალაქო სასამართლომ ე.წ. კასრების საქმეზე გამოიტანა და 9 წლით თავისუფლების აღკვეთა დაუსწრებლად მიუსაჯა.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური