თბილისი, 16 ივლისი — Sputnik. თურქულმა ვერტმფრენმა, რომელიც დღეს ჩაფრინდა ალექსანდროპოლისში, საბერძნეთში ძალოვანი უწყების რვა წარმომადგენელი ჩაიყვანა, რომლებმაც ადგილობრივ ხელისუფლებას პოლიტიკური თავშესაფარი სთხოვეს; თურქეთმა მეზობელ ქვეყანას მოუწოდა, დაუყოვნებლივ უკან, თურქეთში დააბრუნოს სახელმწიფო გადატრიალების მცდელობაში ბრალდებული სამხედროები.
ჯერჯერობით უცნობია, ვინ და რა ჩინისანი არიან საბერძნეთში გადასული სამხედროები, ვინაიდან მუნდირებიდან წინასწარ ჰქონდათ მოხსნილი განმასხვავებელი ნიშნები.
საქმე საბერძნეთის საგარეო საქმეთა სამინისტროშია გადაცემული.
„ჩვენ საბერძნეთს მოვთხოვეთ, დაუყოვნებლივ გადმოგვცეს რვა სამხედრო მოღალატე, რომლებიც იქ ვერტმფრენით გაიქცნენ“, — დაწერა თურქეთის საგარეო საქმეთა მინისტრმა მევლუთ ჩავუშოღლუმ „ტვიტერის“ ბლოგში.
