თბილისი, 16 ივლისი — Sputnik. თურქეთში სამხედრო გადატრიალების მცდელობამ 161 ადამიანის სიცოცხლე შეიწირა, დაჭრილია 1440 კაცი, განაცხადა ქვეყნის პრემიერ-მინისტრმა ბინალი ილდირიმმა.
„ამას გარდა, დაღუპულია 20 პუტჩისტი, ხოლო 30 დაიჭრა“, — განაცხადა პრემიერ-მინისტრმა.
ცოტა ხნის წინ მან ასევე განმარტა, რომ უკვე დაპატიმრებულია 2839 მეამბოხე. სამხედრო მაღალჩინოსნებს წოდებები ჩამოართვეს. დაპატიმრებები კვლავ გრძელდება.
ამ დროსათვის თურქეთში ძალაუფლება სამხედროების ხელშია გადასული. ქვეყანას შეიარაღებული ძალების გენერალური შტაბი მართავს, ხოლო მთავრობა საქმიანობას ჩამოშორებულია.
როგორც სამხედროები აცხადებენ, ხელისუფლება მათ ქვეყანაში კონსტიტუციური წესრიგის დამყარების მიზნით გადაიბარეს.
