თბილისი, 2 მაისი - Sputnik. საქართველოში გაიხსნა ცენტრი 14 წლამდე ასაკის მოზარდებისთვის, რომლებმაც უკვე ჩაიდინეს დანაშაული.
საუბარია კანონთან კონფლიქტში მყოფ არასრულწლოვანებზე, ანუ 18 წლამდე ასაკის პირებზე, რომელთა მიმართ პროკურორის მიერ სისხლის სამართლის დანაშაულის ჩადენის ფაქტი დადასტურებულია, მაგრამ ჯერ არ შეუსრულდათ 14 წელი - სისხლის სამართლის პასუხისმგებლობის ასაკი.
2026 წლის 1 მაისიდან ამ კატეგორიის არასრულწლოვანები სამართალდამრღვევები გადამისამართდებიან კანონთან კონფლიქტში მყოფი არასრულწლოვანის რეაბილიტაციისა და მხარდაჭერის ცენტრში, სადაც მათი მდგომარეობა და ინდივიდუალური საჭიროებები შეფასდება. ამის შემდეგ ისინი რეაბილიტაციის და რესოციალიზაციის პროგრამებში ჩაერთვებიან.
რიგ შემთხვევებში ასეთი ბავშვები შესახლდებიან კანონში მყოფ არასრულწლოვანებზე ზრუნვისა და მხარდაჭერის სახლებში.
შესახლების წესები
როგორც კი დადასტურდება 14 წლამდე ასაკის პირის მონაწილეობა სისხლის სამართლის დანაშაულში, პროკურორი ბავშვს გადაამისამართებს ცენტრში, სადაც მომზადდება არასრულწლოვანის შესახებ ინდივიდუალური შეფასების ანგარიში და განისაზღვრება ის მომსახურება, რომლითაც ის უნდა ისარგებლოს. პროგრამები გრძელდება ერთი თვიდან ერთ წლამდე. არასრულწლოვანის მიერ 14 წლის ასაკის მიღწევა არ იწვევს მონიტორინგის შეწყვეტას.
თუ მშობელს არ შეუძლია დამოუკიდებლად გააკონტროლოს შვილის მონაწილეობა ამ პროგრამებში, ბავშვი გადამისამართდება კანონთან კონფლიქტში მყოფი არასრულწლოვნების რეაბილიტაციისა და მხარდაჭერის ცენტრში.
ასეთ დაწესებულებებში ასევე განთავსდებიან 10-დან 14 წლამდე ასაკის ბავშვები, თუ მათ მიერ ჩადენილი დანაშაული ხუთ წელზე მეტი ვადით თავისუფლების აღკვეთას ითვალისწინებს, ან თუ დანაშაული ჩაიდინა ბავშვმა, რომელიც ადრე სარგებლობა ცენტრის მომსახურებით.