„კიდევ ერთხელ გაყიდეს საკუთარი თავი“: „ქართული ოცნების“ რეაქცია გვარამიას განცხადებაზე

თბილისი, 17 მარტი - Sputnik. „კოალიცია ცვლილებებისთვის“ ლიდერის, ნიკა გვარამიას განცხადება კიდევ ერთხელ ადასტურებს ოპოზიციაზე გარე გავლენის არსებობას და ქვეყანაში სიტუაციის დესტაბილიზაციის მცდელობებს, განაცხადა მმართველი პარტია „ქართული ოცნება - დემოკრატიული საქართველოს“ დეპუტატმა მარიამ ლაშხმა.

მანამდე გვარამიამ განაცხადა, რომ ოპოზიციის გაერთიანება იყო „როგორც პარტნიორების, ისე ელექტორატის დაკვეთა“. მისი თქმით, მანამდე ასეთი გაერთიანებისთვის პირობები არ არსებობდა, ხოლო ნაადრევ მცდელობებს „ფიქციური გაერთიანება“ შეიძლება გამოეწვია.

მაგრამ მსგავსი დავალებების მიღება და მათი მხილება ქართული საზოგადოებისთვის არახალია, აღნიშნა დეპუტატმა.

„მათ კიდევ ერთხელ გაყიდეს საკუთარი თავი. თუ არ გამოუვიდათ რევოლუცია გარედან, ახლა სურთ, იქნებ შიგნით გააფუჭონ რამე, რის საშუალებასაც არ მივცემთ“, - აღნიშნა მან.

მარტის დასაწყისში ცხრა ოპოზიციურმა პარტიამ საქართველოში „ოპოზიციური ალიანსის“ შექმნის შესახებ განაცხადა. მათი თქმით, ისინი აპირებენ „ქვეყანაში ხელისუფლების შეცვლას“. ალიანსში შევიდნენ „კოალიცია ცვლილებებისთვის“, „ერთიანი ნაციონალური მოძრაობა“, „სტრატეგია აღმაშენებელი“, „ფედერალისტები“, ეროვნულ-დემოკრატიული პარტია და „თავისუფლების მოედანი“.

დამფუძნებლების თქმით, ალიანსის მიზანია „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეების კეთილდღეობის უზრუნველყოფა.

„ქართული ოცნება“ კი მიიჩნევს, რომ „ერთიანი ნაციონალური მოძრაობა“, რომლის გარშემოც ალიანსი შეიქმნა, ფაქტობრივად, აგრძელებს ძველებურად მოქმედებას და მუშაობს საქართველოს ინტერესების საწინააღმდეგოდ.

ხელისუფლება ამ ძალებს „რადიკალურ ოპოზიციას“ და „კოლექტიურ ეროვნულ მოძრაობას“ უწოდებს და მათ, ასევე ზოგიერთ არასამთავრობო ორგანიზაციას, უცხო სახელმწიფოების ინტერესების გატარებაში ადანაშაულებს.