თბილისი, 13 მარტი - Sputnik. თურქული მხარე იმედოვნებს, რომ უკრაინის კონფლიქტის დარეგულირების საკითხზე მოლაპარაკებებს მიმდინარე თვეში უმასპინძლებს. ამის შესახებ სააგენტო „რია ნოვოსტის“ თურქულმა დიპლომატიურმა წყარომ განუცხადა.
მანამდე, თურქეთის საგარეო საქმეთა მინისტრმა, ჰაკან ფიდანმა დაადასტურა ანკარის მზადყოფნა, კვლავ დაუთმოს პლატფორმა მხარეებს მშვიდობიანი მოლაპარაკებების საწარმოებლად.
„ვიმედოვნებთ, რომ ეს პროცესი ძალიან მალე, ამ თვის განმავლობაში დაიწყება“, — აღნიშნა წყარომ.
როგორც დიპლომატიური წრეებიდან ხდება ცნობილი, თურქეთი აგრძელებს აქტიურ კონტაქტებს მოსკოვსა და კიევთან შუამავლის სტატუსით და მიიჩნევს, რომ მოლაპარაკებების „შესაძლებლობის ფანჯარა“ კვლავ ღიაა.
შეგახსენებთ, რომ რუსეთსა და უკრაინას შორის სტამბოლში უკვე გაიმართა პირდაპირი მოლაპარაკებების სამი რაუნდი, რის შედეგადაც მოხერხდა ტყვეთა გაცვლა და დაღუპული სამხედროების ცხედრების გადაცემა. გარდა ამისა, მხარეებმა ერთმანეთს კონფლიქტის მოგვარების შესახებ მემორანდუმის პროექტებიც გაუზიარეს.