თბილისი, 15 თებერვალი - Sputnik. ბაკურიანი ჯაზფესტივალ Winter Jazz Bakuriani 2026-ს პირველად მასპინძლობს.
ორდღიანი ფესტივალი, რომელიც გუშინ გაიხსნა, სასტუმრო კოხტა-ბაკურიანის ტერიტორიაზე მიმდინარეობს.
ღონისძიების ფარგლებში ზამთრის სცენა არაერთ ცნობილ საერთაშორისო არტისტს დაეთმობა. ფესტივალში მონაწილეობს 60-მდე მუსიკოსი ევროპის სხვადასხვა ქვეყნიდან.
14 თებერვალს ფესტივალი Sweet Life Society Soundsystem-ის კონცერტით გაიხსნა, რომელიც ევროპის მუსიკალურ სცენაზე ერთ-ერთ გამორჩეულ live-პროექტად მიიჩნევა. სტუმრების წინაშე ასევე წარსდგა ნიდერლანდური ბენდი Kraak and Smaak და ლეგენდარული ინგლისელი ვოკალისტი დენის როლინსი ბენდთან ერთად.
ფესტივალი, რომელიც საქართველოს ტურიზმის ეროვნული ადმინისტრაციის მხარდაჭერით ტარდება, ბაკურიანის სტუმრებს ჯაზის, ფანკის, სოულისა და ელექტრონული მუსიკის თანამედროვე ინტერპრეტაციებს სთავაზობს.