თბილისი, 1 თებერვალი - Sputnik. თბილისში მომხდარი მკვლელობის ფაქტზე პოლიციამ 36 წლის პირი დააკავა, იუწყება შინაგან საქმეთა სამინისტრო.
დაკავებულს ბრალი განზრახ მკვლელობაში ედება - დანაშაულის დამტკიცების შემთხვევაში მას 15 წლამდე პატიმრობა ემუქრება.
გამოძიებით დადგინდა, რომ თბილისში ბრალდებულმა 55 წლის პირს ურთიერთშელაპარაკების ნიადაგზე ბლაგვი საგნის გამოყენებით სასიკვდილო დაზიანებები მიაყენა.
სამართალდამცველებმა მკვლელობაში ბრალდებული მომხდარიდან მალევე დააკავეს.
გამოძიება სსკ-ის 108-ე მუხლით მიმდინარეობს.