თბილისი, 16 იანვარი - Sputnik. შოთა რუსთველის ეროვნული სამეცნიერო ფონდი იწყებს გრანტების გაცემას სხვადასხვა საერთაშორისო სამეცნიერო ღონისძიებებისთვის; შესაბამის ბრძანებას უკვე მოაწერა ხელი საქართველოს განათლებისა და მეცნიერების მინისტრმა.
გრანტის პირობების თანახმად, დაფინანსება გამოიყოფა სამეცნიერო ღონისძიებებისთვის შემდეგ სფეროებში: მედიცინა, სოფლის მეურნეობა, სოციალური, ჰუმანიტარული და საქართველოს შემსწავლელი მეცნიერებები.
კონფერენციების, კონგრესების, ფორუმებისა და სიმპოზიუმების ჩასატარებლად გამოყოფილი გრანტი 70 000 ლარამდე შედგენს, ხოლო სამუშაო შეხვედრების, სემინარებისა და სემინარებისთვის - 50 000 ლარს. ღონისძიება უნდა ჩატარდეს განაცხადის წარდგენიდან არანაკლებ ოთხი თვის გასვლის შემდეგ.
გრანტის თანხები დაფარავს პერსონალის, მონაწილეთა განთავსების, მათი ტრანსპორტირების, კვების, აღჭურვილობის, სინქრონული თარგმანის და მასალების ხარჯებს.
თანხის ნაწილი ავანსად, დანარჩენი კი ღონისძიების შესახებ ანგარიშის წარდგენის შემდეგ.
გრანტზე განაცხადის შეტანა შეუძლია მეცნიერთა ჯგუფს ან ორგანიზაციას.
გამარჯვებულს გამოავლენს საკონკურსო კომისია, რომელიც თითოეულ წარდგენილ პროექტს შეაფასებს. თუმცა, კომისიაში ვერ შევლენ პირები, რომელიც გრანტის მაძიებელთან ერთად სხვადასხვა კვლევით პროექტში მონაწილეობდა ან გრანტის მონაწილეთა ნათესავები არიან.