თბილისი, 8 იანვარი - Sputnik. სამართალდამცველებმა შიდა ქართლში ჯგუფურად ჩადენილი გამოძალვის ბრალდებით ორი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
უწყების ცნობით, ერთ-ერთი დაკავებული წარსულში მკვლელობისთვისაა ნასამართლევი.
გამოძიებით დადგინდა, რომ ბრალდებულებმა წარსულში არსებული ფინანსური დავის გადაწყვეტის მიზეზით 47 წლის მამაკაცი თბილისში მდებარე ერთ-ერთ საცხოვრებელ ბინაში მოტყუებით აიყვანეს, სადაც სიცოცხლის მოსპობისა და ძალადობის მუქარით 6 ათასი ლარი გამოსძალეს. მას ბრალდებულებმა ასევე მოსთხოვეს მათ სახელზე არსებული ფინანსური დავალიანების დაფარვა, რაც 32 ათას ლარს შეადგენდა.
მომხდარზე გამოძიება საქართველოს სსკ-ის 181-ე მუხლით მიმდინარეობს, რაც 9 წლამდე ვადით თავისუფლების აღკვეთას ითვალისწინებს