ზემო ლარსი დღეს: შეზღუდვების ნაწილი მოიხსნა

თბილისი, 4 იანვარი - Sputnik. ზემო ლარსზე შეზღუდვების ნაწილი მოიხსნა, ინფორმაციას საავტომობილო გზების დეპარტამენტი ავრცელებს.

უწყების თანახმად, მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 79-94-ე კმ (მლეთა-გუდაურის) და 93-107-ე კმ (გუდაური(ფოსტა)-კობის) მონაკვეთებზე.

ამასთან, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.

გარდა ამისა, მისაბმელიანი, ნახევრადმისაბმელიანი ავტოტრანსპორტის და M3 კატეგორიის (გააჩნია 8-ზე მეტი დასაჯდომი ადგილი (მძღოლის ადგილის გარდა) და აქვს 5 ტონაზე მეტი სრული მასა) მგზავრთა გადასაყვანად განკუთვნილი ავტოსატრანსპორტო საშუალებების მოძრაობა გვირაბებში, განხორციელდება ცალმხრივად.