თბილისი, 4 იანვარი - Sputnik. პოლიტიკოსი ირაკლი შიხიაშვილი 53 წლის ასაკში გარდაიცვალა, ინფორმაცია სოციალურ ქსელში გავრცელდა.
ირაკლი შიხიაშვილი მძიმე სენს ებრძოდა. რამდენიმე თვის წინ ის მკურნალობას ესპანეთის ერთ-ერთ კლინიკაში გადიოდა.
2013-2014 წლებში ირაკლი შიხიაშვილი იყო თბილისის საკრებულოს თავმჯდომარე, 2014-2016 წლებში - ვეტერანების საქმეთა სახელმწიფო სამსახურის დირექტორი, შემდეგ იყო მოძრაობა „ქართული მარშის“ გენერალური მდივანი.