აქციის მონაწილეები პოლიციელების მისამართით ისროდნენ ფეიერვერკებს, სალუტებს, ასაფეთქებლებს. ასევე პიროტექნიკას ისროდნენ პარლამენტის შენობის მისამართით.
ახლა კი პიროტექნიკის გაყიდვა და იმპორტი შეზღუდულია, მისი გამოყენება კი ღამის საათებში (23:00-დან 08:00-მდე) აკრძალულია და ითვალისწინებს ჯარიმას: 150 ლარი - ფიზიკური პირებისთვის და 500 ლარი - იურიდიული პირებისთვის.
პიროტექნიკის უკანონო წარმოება, იმპორტი და ექსპორტი - ითვალისწინებს ჯარიმას 5000 ლარის ფარგლებში, უკანონო გაყიდვა კი - ჯარიმას 2-დან 3 ათას ლარამდე. პოლიცია აქტიურად ატარებს რეიდებს და მოვაჭრეებისგან აკრძალული საქონლის კონფისკაციას ახდენს.