ჭაბუა ამირეჯიბმა პოპულარობა რომანის „დათა თუთაშხიას“ შემდეგ მოიპოვა, რომელიც მან 1970-იან წლებში დაწერა. ეს არის ოთხნაწილიანი ეპიკური ნაწარმოები, რომლის მოქმედებაც რევოლუციამდელ საქართველოში ვითარდება. მისი გმირი - დათა თუთაშხია, „კეთილშობილი ყაჩაღია“, უსამართლობის წინააღმდეგ მებრძოლი, რომლის მიზანიც სამყაროს გაუმჯობესებაა.
ამირეჯიბის მეორე რომანია „გორა მბორგალი“, რომლის გმირიც რამდენჯერმე გარბის საბჭოური ბანაკიდან და ასე იწყება მისი თავგადასავალი. მწერლის მესამე რომანი „გიორგი ბრწყინვალე“, რომელიც საქართველოს ისტორიაზე მოგვითხრობს, 2005 წელს გამოიცა. მწერლის აღნიშნული ნაწარმოები რუსულ ენაზე ჯერ არ თარგმნილა.
ლიტერატურის გარდა, ამირეჯიბი კინოსა და ჟურნალისტიკაში მუშაობდა. მას ეკუთვნის სერიალის სცენარი, რომელიც დაფუძნებულია რომანზე „დათა თუთაშხია“. ამ ნაშრომისთვის ამირეჯიბმა 1981 წელს სსრკ სახელმწიფო პრემია მიიღო.