თბილისი, 2 ნოემბერი — Sputnik. თბილისის საპატრულო პოლიციის დეპარტამენტის თბილისის მთავარი სამმართველოს უფროსად გოგა მემანიშვილი დაინიშნა.
მემანიშვილმა აღნიშნულ თანამდებობაზე ლაშა ჯოხაძე ჩაანაცვლა, რომელმაც თანამდებობა საკუთარი განცხადების საფუძველზე 28 ოქტომბერს დატოვა.
მემანიშვილი საპატრულო პოლიციაში წლების განმავლობაში მუშაობს. ბოლო პერიოდში მას თბილისის მთავარი სამმართველოს უფროსის მოადგილის პოზიცია ეკავა.