თბილისი, 11 აგვისტო — Sputnik. სამართალდამცველებმა ნარკოდანაშაულის ბრალდებით იმერეთში ორი პირი დააკავეს, ნათქვამია შინაგან საქმეთა სამინისტროს განცხადებაში.
საგამოძიებო უწყება აღნიშნულ პირებს დიდი და განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვას და ნარკოტიკული საშუალების შემცველი მცენარის უკანონოდ დათესვა-მოყვანას ედავება.
პოლიციამ ნარკოდანაშაულის ბრალდებით დაკავებულ პირთა პირადი, საცხოვრებელი სახლების, ეზოსა და დამხმარე სათავსოების ჩხრეკისას 207 ძირი ნარკოტკიული ნივთიერების შემცველი მცენარე კანაფი და „გამომშრალი მარიხუანა" ამოიღო.
გამოძიება სსკ-ის 265-ე პრიმა მუხლის მე-3 “ა” ქვეპუნქტით, 260-ე მუხლის პირველი და 260-ე მუხლის მე-2 ნაწილის “ა” ქვეპუნქტით მიმდინარეობს. დანაშაული 12 წლამდე ვადით თავისუფლების აღკვეთას ითვალისწინებს.