თბილისი, 4 აპრილი — Sputnik. საკანონმდებლო ორგანოში „ლგბტ მარშების და შესაბამისი ფერადი ნივთების აკრძალვის შესახებ“ საკანონმდებლო წინადადება შევიდა, აღნიშნულის შესახებ პარლამენტის თავმჯდომარემ, შალვა პაპუაშვილმა განაცხადა.
საკანონმდებლო წინადადება - მოქალაქეთა მიერ ხელმოწერილი ინიციატივა არ არის კანონპროექტი და მისი მიღება და კანონპროექტად ტრანსფორმაცია შესაბამის კომიტეტზეა დამოკიდებული.
„არის საკანონმდებლო წინადადება ლგბტ მარშებისა და შესაბამისი ფერადი ნივთების აკრძალვის შესახებ, რომელიც [განსახილველად] ადამიანის უფლებათა კომიტეტს გადაეცემა“, - განაცხადა პაპუაშვილმა.
საკანონმდებლო პაკეტს - „ოჯახური ღირებულებებისა და არასრულწლოვანთა დაცვის შესახებ“ კანონის პროექტს და მისგან გამომდინარე 17 კანონში შესულ ცვლილებებს, რომელიც ქვეყანაში ლგბტ-პროპაგანდის აკრძალვას ითვალისწინებს, პარლამენტის თავმჯდომარე შალვა პაპუაშვილმა 2024 წლის 3 ოქტომბერს მოაწერა ხელი.
ახალი კანონის პროექტის თანახმად, იკრძალება ერთსქესიანთა ქორწინება და სქესის შეცვლა, ჰეტეროსექსუალი ადამიანების მიერ შვილად აყვანა, ლგბტ-პროპაგანდა და პოპულარიზაცია საგანმანათლებლო დაწესებულებებსა და მედიაში, ლგბტ-პოპულარიზაციის მიზნით მანიფესტაციების ჩატარება და ა.შ.