თბილისი, 27 მარტი — Sputnik. ქუთაისში მომხდარ ავტოსაგზაო შემთხვევას სამი ადამიანის სიცოცხლე ემსხვერპლა, იუწყება ტელეკომპანია "მთავარი".
ავტოსაგზაო შემთხვევა ქალაქის გასასვლელში, წყალწითელას ხიდთან გუშინ, გვიან ღამით მოხდა.
გავრცელებული ინფორმაციით, მაღალი სიჩქარით მოძრავი ავტომობილის მძღოლმა საჭე ვერ დაიმორჩილა და მდინარეში გადავარდა. ავტომობილში მყოფი სამი ადამიანი ადგილზე დაიღუპა.
ადგილზე მობილიზებული იყო საპატრულო და სასწრაფო დახმარების ჯგუფები.